Qadın beyni kişi beynindən tamamən fərqli çalışan bir sistemə malikdir. Bir qadın dəyərləndirilməyi və xüsusi olduğunu hiss etməyi həmişə şiddətlə istəyir. Bu istək hərədə bir cür ortaya qoyulur. Kimisi özəl hədiyyələr, kimisi xüsusi sözlər, kimisi özəl bir baxışla bunu hiss etməyi istər. Amma böyük ehtimallarda özəl sözün yerini bir qadın üçün heç nə dəyişmir. Hər qadın tərifi haqq edir. Hansı məshəbə, hansı cəmiyyətə, hansı əxlaqa malik olmasından asılı olaraq, Hər qadının daxilindəki uşaq özəl olduğu bir dünyanın arzusu ilə böyüyür. Amma kimisi bu arzunu gerçəkləşdirir, kimisi qarşısındakı sədləri keçə bilmir. Buna görə heç bir qadını heç vaxt həyatına görə günahlandıra bilmirəm. İstənilən halda ana olmağı dadan qadının daxilində o standart hiss ortalığa çıxır. Qoruyuculuq duyğusu. Buna görə də analar başımızın tacıdır.
Nə isə, mövzuya qayıdaq. Bir qadını susuz, yeməksiz, pulsuz və s. şeylərdən məhrum edə bilərsiniz. Amma qadın tərifsiz yaşaya bilməz.
Qadınlar çox xoşbəxt bir həyat yaşayan kişi ilə bir həyat istər, amma xoşbəxtlik dadmayan bir kişi qadının qəlbini daha tez qazana bilər. Səbəb çox sadədir. Qadınlar sanki həyata bir missiyanın ardınca gəlmiş kimi hiss edirlər və qarşılarındakı kişinin bədbəxt həyatı onlar üçün düzəldə biləcəkləri bir işdir. Belə kişi daha sirli, daha yalnız və qadının yerləşib rahatlıqla gəzə biləcəyi geniş və boş bir xam torpaq kimidir.
Amma kilid nöqtəsi olan bir şey var. Bu qəlibdən olan iki cür kişi var.
1. Yalnızlığı sevən.
2. Yalnızlıqdan qurtulmaq istəyib bu bataqlıqda ilişən bir kişi.
Bir gün həyatınıza bir adam girər və qarşılıqlı bir eşq yaşarsınız. Amma məsələ budur ki, siz qapanıq bir həyatı sevirsiniz. Sevərək yaşanan olay daha səmimi, daha sehrli və daha çəkici təsir bağışlayır və qadınlar səmimiliyi üstün tutur. Çünki səmimilik qadının güvəndə ola biləcəyi, sahib ola biləcəyi və dəyər görə biləcəyi bir ortamdır.
Amma bütün bunlara baxmayaraq bu səmimi ortamda yalnızlığı və qapanıqlığı sevən bir kişinin həyatına düşən qadın kişinin həyatındakı bu bədbəxt, yalnız və qapanıq durumu dəyişdirməyə çalışar. Səbəb çox sadədir. Bu bəlkə də qadınsayağı bir eqonun, özününküləşdirmə prosesinin bir parçasıdır, amma başqa bir versiya ilə sevdiyim romanlardan birində oxuduğum kimi "Mən sənin həyatını, zövqlərini, məşğuliyyətlərini dəyişmək istəmirəm, sadəcə sənə daha yaxşı təsir edəcək şeyləri həyatına gətirmək və daha xoşbəxt olmağını istəyirəm" kimi bir yanaşmadır.
Demək istədiyim, qadınlar bəzən kişinin fərqli özəlliklərini dəyərləndirib onun həyatına daxil olub həmin xüsusiyyətlərdə dəyişiklik etməyə çalışarlar. Əgər kişi bu bataqlıqdan çıxmağı istəyib bacarmayanlardandırsa, qətiyyətli bir qadının köməyi ilə problemi həll edib xoş bir həyatın astanasına gəlib çıxmış olacaq.
Amma ikinci qəlibdən olan bir kişi vardırsa qarşısında, qadının daxili mənini təmin etməli olan o dəyişiklik planları baş tutmadığına görə araya bir aləm problemlər, mübahisələr və itmiş sehr daxil olacaq. Qadınlar gəlişlərinin fərq yaratmasını istəyirlər. Çünki bu fərq onların özəl olduqlarının bir nömrəli sübutudur. Bu qədər sadə.
Buradan yola çıxaraq iki nəticəyə gəlirik.
Qadınların bu cəhətdən özəl olduqları ilə bağlı istəkləri iki cür təmin oluna bilər:
1. Kişi müxtəlif hədiyyələr, özəl sözlər, özəl günlərlə bağlı müxtəlif planlarla bunu qadına hiss etdirə bilər ki, bu ən təhlükəli üsuldur. Çünki bir kişi həm ata, həm ailə başçısı, həm də hansısa məsləkdə bir işçidir. Bütün bu qayğıların üçündə özəl günlərə, özəl sözlərə, özəl hədiyyələrə etinasızlıq edə, günlük qayğılara qapıla bilər. Bu isə ailə içində soyuqluğun, problemlərin yaranma səbəbidir.
2. Yuxarıda da vurğuladığım kimi, kişinin bərbad həyatında qadının özünün etdiyi düzəlişlər vasitəsilə özü-özünün özəl olduğunu hiss edə bilər ki, bunun üçün də kişi birinci qəlibdən olanlara aid olması daha olası variantdır.
Dərkənar olaraq qeyd edim ki, ikinci qrup kişilərin ailə həyatı bərbad ya da ümumən olmamış olur. Çünki bu cür kişiyə təhəmmül edəcək qadın öz qadın eqosunu (eqo sözünü başqa yönlərə çevirməyin, bu heç də eqoist kəlməsi ilə bir deyil) kənara qoymalıdır ki, ailə xoşbəxt bir lövhə alsın və ən vacibi qadınlar üçün onları hüznləndirən kişilər cəlb etdiyi qədər, onları güldürən, dayaq verən kişi də önəmlidir. Yəni qadınlar poladdan deyil, onların da kövrək olanı olur. Bu cür qadına ona dəstək duran kişi lazımdır. Pul, mülk, maddi dünya qadın üçün keçicidir. Əsas olan güvən, səmimiyyət, və qadının özünəməxsus olduğunu hiss edə biləcəyi bir yuvadır.
Aşırı güvən qadını narahat edə bilər. Onlar həm də qısqanılmağı, azca da olsa, onun üçün narahatçılıq keçirilməsini istəyərlər. Hətta günümüzdə aşırı emosional olan qadınlar sırf sevdiyi insanın diqqəti, güvənindən dolayı onun üzərində deyil deyə xırda xəyanətlərə və sonu olmayan bu yolda çox ciddi fəsadlara da apara bilər. Zatən yanlış yolda olan qadınların heç də hamısı maddi durumundan dolayı bu yollara düşmür. Bəziləri gənc yaşda emosianal bir platonik sevginin qurbanı olub öz kişisini qısqandırsın, ya da reaksıya versin deyə ağrıdacaq bir yanlış hərəkətə əl atır və bir daha çıxa bilməyəcəyi yola addım atır.
Son olaraq onu deyim ki, qadınlar həm güvənilməsini, həm də o qədər çox güvənilməməsini, qapanıq olan kişini, həm də, o qədər də qapanıq olmayan kişini, güldürülməsini, həm də ağladılmasını, xüsusi diqqəti, həm də o diqqəti özü-özü üçün əldə etməsini və bunun kimi bir aləm bir-biri ilə təzad təşkil edən istəklərlə dolu olan bir varlıqdır.
Onu anlamaq yox, sevmək lazımdır. Çünki hər qadın sevgiyə, diqqətə layiqdir.
Və oxuduğum bir yazıda deyildiyi kimi, "Qadınları güldürün, amma özünüzə yox!"
Dr.Hamid
XƏBƏR LENTİ
Cənabət qüslü alandan sonra eyni paltarda namaz qılmaq olarmı?
Biskvitlı tort (foto resept)
Dünyanın sonu çatıb?
Cazibədar ayaqlarınız üçün
Aprel döyüşlərindən Vətən Müharibəsinə: Qardaşlar düşmənin canına qorxu salıb - VİDEO
BÜRCLƏR bizə nə vəd edir?-18 yanvar
Əgər Allah varsa, niyə şər də var?
Cavan olmam bir də mən?
Uşaqlara oxumaq həvəsinin aşılanması(2)
Gün var, əsrə bərabər: Ötənləri yada salaq
Məşhur aktyor müxbirlərə silah tuşladı-FOTO
Putindən çox mühüm həmlə
Mehriban Əliyeva Müstəqillik Günü münasibətilə xalqı təbrik edib
Amerikanı fəlakət gözləyir
Tiflisə səyahətin ucuz və rahat yolları
Azərbaycanda Nazirlikdə "SOS"!
Sabahın HAVAsı
Bakıda möhtəşəm Zəfər paradı başladı - CANLI YAYIM
Yadplanetlilərin gəmisi az qala Yerə enəcəkdi-VİDEO
ABŞ-dan Rusiya vaksininə şübhə
Azərbaycan yığmasında böyük itki
Qaraciyər yağlanmasının səbəbləri
Google yeni şirkət aldı
Müəllimlərin işə qəbulunda yenilik - VİDEO
Rus dili - Дд
Sabahın HAVAsı
"Çılpaq" tort (foto resept)
Hava biznesi nədir?
Növbəti əfv siyahısı hazırlanır
Nikol Paşinyan əsir mübadiləsi prosesi ilə bağlı açıqlama verib
Bakıda yeni SÖKÜNTÜ
Yanvar ayının qalibləri!
Ceyhun Mirzəyevin 70 illiyi münasibətilə tədbir keçirilib
Qısa saçlı qadınlar üçün 7 sevdiyiniz toy saçı
Alla Puqaçovanı kimsə tanımadı- FOTO
Məşhur aktyora 17 illik həbs cəzası
2018-in trendləri
ATƏT-in Minsk qrupundan XİN başçılarının görüşü ilə bağlı BƏYANAT
Ermənilərdən Qarabağ etirafı
Müəllimlərə daha bir şad xəbər
ABŞ 2 gizli dosyeni açdı: Koronavirus belə yayıldı – Şok gəlişmə
Koronavirusa görə “Eurovision”da problemlər başladı
Süzmə mərci şorbası (foto-resept)
ŞOK PROQNOZ: "Neft 10 dollara düşə bilər"
HAVA necə olacaq? 12-yanvar
Prezident: “Müxtəlif ölkələrin başçılarına gündə bir neçə dəfə zəng edərək yalvarır, özünü alçaldır”
Dəriyə qulluq və makiyaj vasitələrinin ömrü
İrem Helvacıoğlu Yeni İmicdə-FOTO
“WhatsApp”dan iki maraqlı yenilik
Kıvanç xanımına efir qadağası qoydu
- ŞƏRHLƏR