ETİRAFLAR:"Xəyanətkarı bağışlamaq olarmı?" » Qadin.Net ~ İlk milli qadın portalı... Azərbaycan xanımlarına...
Bakıda hava 23°
USD 1.7000 AZN
EUR 1.9343 AZN

ETİRAFLAR:"Xəyanətkarı bağışlamaq olarmı?"


 

"Xəyalə Murada etiraf et" layihəsi vasitəsi ilə yeni daxil olmuş anonim etirafı təqdim edirik. Oxuyub fikir bildirməyi unutmayın! 

"Xəyalə xanım, son çarəm sizsiniz. Mən başımı təmiz itirmişəm. Hər şeyi danışım məsləhətinizi verin. Dörd illik sevgidən sonra nəhayət qovuşub evləndik. Yeddi il can deyib, can eşitdik. Bir dəfə narazılığımız, umu-küskünlüyümüz olmadı. Nə də qayınana-gəlin, gəlin-baldız narazılıqları yaşamadıq. Bu yeddi illik xoşbəxtliyim bir zənglə məhv oldu. Sanki qaynar qazana girib çıxdım.

 

ETİRAFLAR:"Xəyanətkarı bağışlamaq olarmı?"

 

 

Adətən telefon əlindən düşməzdi. Mən də oyun oynuyur deyə düşünürdüm. Uşaq yaxınlaşanda özündən uzaqlaşdırır ki, mane olma. Oğlumun altı yaşı var, oxumağı demək olar bacarır. Sentyabrda birinci sinfə gedəcək. Yoldaşımın hər uşaq telefona boylananda onu özündən uzaqlaşdırması içimə şübhə saldı. Bir dəfə telefonu götürüb hamama keçdim. Onun "whatsapp" mesajlarını bir-bir yoxladım. şübhəli görünən bir mesaja rast gəlmədim. Mesaj silməyə nə var ki... deyə düşünüb zənglərə baxdım. Sən demə son üç gündə eyni nömrəyə azı 20 dəfə zəng edib. Nömrəni telefona kişi adıyla yazdığından daha çox şübhələndim. O adda tanış iş yoldaşı, dostu yoxdu. Üstəlik işi elədi ki, qətiyyən əl telefonuna diqqət ayıra bilmir. Bu işə iki ildi girib. İşdə olduğu müddətdə telefonuna on dəfə də zəng vursam götürmür. Məcbur mesaj atıram. O da nahara çıxanda açıb baxır və ya evə gələndə açıb baxır. Həmin zənglərin saatlarında da vaxt diqqətimi çəkdi. Eyni adama işdə olduğu vaxtlarda zəng edib. Üstəlik tək işdə olanda yox, nahar və evə qayıdış vaxtında da zəng vurub. Öz nömrəmə olan zənglərin sayını hesablarım heç onun qədər olmadı.

 

ETİRAFLAR:"Xəyanətkarı bağışlamaq olarmı?"

 

Demək ki, daha çox diqqət ayırdığı biri var və bu şəxs kimdirsə o nömrənin istifadəçisidir. Eləmə tənbəllik nömrəyə zəng vurdum. Hamamda olduğumdan yoldaşımın xəbəri olmadı. Zəngə bir qadın "Alo! "dedi. Qadın.... Başa düşürsüz? 4 il sevgili, 7 il evli olduğum şəxs üç gün ərzində azı 30 dəfə bir qadınla danışırmış. Səsi eşidər eşitməz telefonu bağladım. Sonra cəld hamamdan çıxıb telefonu yerinə qoydum və təkrar hamama qayıtdım. Soyuq başla düşünmək lazım idi. Tələsik qərar verə bilməzdim. Üz-gözümə soyuq su vurub rahatlamağa çalışırdım ki, yoldaşımın telefonuna zəng gəldi. Telefonu götürüb danışmaq üçün balkona çıxdı. Hamamın yuxarsındakı pəncərə balkona açıldığından yoldaşımın səsini eşidirdim. Əvvəl təəccübləndiyini, sonra sevincli danışdığını hiss etdim. Gülürdü, zarafatlaşırdı. Axırda görüş təyin etdi. Nahar vaxtına saldı. Həmin yerə getdim və gözümlə onları gördüm. Bir kafedə dönər yeyirdilər. Qızı tanıdım. Yoldaşımın məndən əvvəlki sevgilisi idi. O gün gördüklərimi yoldaşıma demədim amma içim özümü yeyir. Dözə bilmirəm. Xəyanət etdiyini gözümlə görmədim, birgə yemək yeyirdilər Amma bir yandan da onunla görüşməsi və danışması mənə açıq aydın xəyanət etdiyini sübut edir. İndi siz deyin mənə yoldaşımı bağışlayım, hər şeyi unudum, yoxsa xəyanətdən xəbərdar olduğumu deyib utandırım? Oğlum var onu düşünməliyəm. Mümkünsə mənə yol göstərin."

Səslərin sayı: 2
7
884
loading...
Şərhlər
Offline
Surayye
Aaa sizdə səbr var e. Onları yemək yeyən yerdə niyə baş başa vurmadiz ki??! Oglunu düşünmür yoldaşını düşünmür şərəfini düşünmür kimə lazımdır ???
12 iyul 2018 08:30
Offline
Xəyalə Murad
Əgər yoldaşınıza hələ də heç nə deməmisinizsə, oturub soyuq başla danışın. Hay-küyə ehtiyac yoxdur. İkiniz də yetişkin insanlarsınız. Hisslərinizdən, onları birlikdə oturub yemək yeyərkən görəndə özünüzü necə hiss etiyinizdən xəbəri olsun. Bəlkə sizinlə evli olduğunu və məhz sizi (hər hansısa xüsusiyyətinizə görə) seçdiyini unudub? Ona az da olsa güvəniniz qalıbsa, açıq aydın danışıb bu görüşlərə son verməyiniz lazımdır. Özünüzü qoruyun. Övladınıza sağlam psixologiyaya malik ana lazımdır.
11 iyul 2018 15:06
imza: Bu daş əvvəldən belə DAŞ deyildi...Yumşaq torpaq idi...Yağış amansızca yağıb onu palçığa döndərdi...Külək deyinə-deyinə əsdi, üst-başını qurutdu...Günəş də quru olduğunu görüb onu yandırmağa cəhd etdi və yandırdı...Bu prosses illərlə təkrarlandı, təkrarlandı...O yumşaq torpaq bu üçlüyün zülümlərindən qurtulmaq üçün çarəsiz qalıb DAŞLAŞMAĞA qərar verdi. Və DAŞA döndü. İndi ona nə yağış, nə külək, nə də günəş təsir edə bilir...
PS. Gəlin bir-birimizi DAŞLAŞDIRMAYAQ!
Offline
GÜLÇİN
Kim deyirse keçmiş sevgi unudulur,unudulmur. Heqiqeten qarşılıqlı olubsa eger,kiçik bir qığılcım bes edir...
10 iyul 2018 15:17
Offline
Feride
Bəlkə sadəcə dostluq edirlər??? Durduq yerdə ailənizi niyə dağıdasız?
8 iyul 2018 19:57
Offline
Sima
kisiye baxe zen vurdun hec olmasa sildee
8 iyul 2018 16:05
Offline
Iceberg
Oğlunu o da düşünməli idi. Rədd eləyin getsin.
8 iyul 2018 13:09
imza: shafaabdulla.blogspot.com
Offline
PERI
onunla bu qeder danisirsa demeli daha cox sey paylasir
8 iyul 2018 13:05
Adıniız:*
E-Mail:
ıifrə: *
Son şərhlər
loading...
Son yazılar
Ailənizin ümumi gəliri:
500 AZN-ə qədər
500-1000 AZN
1000-1500 AZN
2000-3000 AZN
5000 və ya daha çox
Sizə nə var?! )