Ehtiyatlı olun! Sizin qeyri-adi romantik münasibətiniz başlamamış bitə bilər. Necə? Sadəcə mənasız, kiçik səhvlərə görə! Biz bu səhvləri sevgi və qayğıkeşliyin əlaməti kimi dərk edirik. Halbuki, kişilər bundan oddan qorxan kimi qaçırlar:
Kişilərlə rəqabətə girmək. İstənilən kişi düşünür ki, ən yaxşı qızla görüşməyə layiqdi. Ən ağıllı, ən gözəl, cavan, evdar, cazibədar… Bu siyahını sonsuza qədər uzatmaq olar. Əslində həqiqət də elə budur. Amma bir şərtlə ki, o xanım öz gözəlliyinə, ağlına, biliyinə görə kişi ilə rəqabətdə olmasın. Qız öz ünvanına tərif gözlədiyi qədər oğlan da bunu gözləyir. Münasibətlərinin ilk günlərində təriflərin bir ünvana getməsi digər tərəfi qane etsə də, zamanla bezdirəcək. Ona görə də, hər görüşdə ancaq öz uğurlarından, ağıllı davranışlarından danışmaq doğru deyil. Düzdür, bunu o, pis niyyətlə etmir, o, öz uğurlarını sevdiyi insanla paylaşmaq istəyir. Amma artıq digər tərəf bundan xəbərdardır. Və həmin məqamlarda onun öz uğursuz davranışları mövcud ola bilər. Əgər onunla şahmat, domino, bouling və s. oyunlar oynayırsızsa, hər zaman udmağınız doğru deyil. Arada uduzmaq da lazımdır. Sizin özünüzə əminliyiniz kifayətdir. Bunu göstərmək lazım deyil. Sizin üçün nə vacibdir? Oyunda udmaq, yoxsa sevdiyiniz insanı yanında saxlamaq?
Əksinə, siz görüş zamanı onunla necə fəxr etdiyinizi, onun varlığının sizin həyatınızda önəmini və s. göstərməlisiz. Amma ifrata varmamaq şərtilə. Yəni tərifiniz real şərtlərə uyğun gəlməlidir. Sadəcə, bir fikrə əmin olun ki, ailəniz olandan sonra öz bacarıqlarınızı daha rahat şəkildə istifadə edə biləcəksiz.
Əmin olmaq ki, hər şey əladır. Ola bilər ki, siz artıq toy haqda, hansı üzüyü almaq haqda, toyu harda keçirəcəyiniz haqda planlar qurursuz. O sizə eşqini etiraf edib və sizdə əminlik hissi yaranıb. Vacibdir ki, bütün bu xəyallarınızı ürəyinizdə yaşayasınız, açıq şəkildə qarşı tərəfə deməyəsiniz. Çünki, siz əmin olsanız da ola bilər ki, qarşı tərəf öz hisslərinə əmin deyil və cavabdehlikdən qorxur. Əsasən kişilər hər zaman müstəqilliyə daha meyilli olurlar və kiminsə onların şəxsi ərazisinə daxil olmalarına nifrət edirlər. Ümumiyyətlə, kişilər özləri qərar verməyi xoşlayırlar. Hətta fikir qadın tərəfdən verilsə belə. Əsas da öz ailə və qohum problemlərinizi evlənənə qədər ondan gizlin tutmağa çalışın.
Onu keçmiş sevgililərinizlə müqayisə etmək. Kişilər sevmir ki, onları keçmiş sevgili və ya həyat yoldaşlarınızla müqayisə edəsiz. Əsasən ağrıdıcı o olur ki, siz onu əvvəlki sevgilinizdən daha çox səriştəsiz və bacarıqsız hesab edirsiz. Çalışın hətta görüşdüyünüz insanın çatışmayan cəhətlərini bu şəkildə bildirməyəsiz. Çalışın dilinizi dişləyin. Keçmiş keçmişdə qalıb. İndi yanınızda olan vacibdir. Çünki, nəticədə bir gün o sizə deyə bilər ki, yaxşı idisə niyə ayrıldın? Düzdür, siz bu yolla onu özünüzə uyğunlaşdırmağa çalışırsız. Amma anlamalısız ki, o körpə deyil, siz də anası deyilsiz. Zamanla, səbirlə istəyinizə çatma ehtimalı daha çoxdur.
Tez-tez soruşmaq ki, ”Sən məni sevirsən?”. Kişilər sevərkən bunu bütün emosional və idraki tərəflərinə əsasən dərk edir və ona görə də sevgini etiraf etmək onlar üçün çox çətindir. Sevdikləri xanım onlar üçün vacib olan parametrlərə görə 100 də 100 olmalıdır. Əsas parametrlər uyğundursa, digər tərəflər onlar üçün vacib deyil. Ona görə də, sevgi etiraflarını onlar bütün iradə və səylərini toplayaraq bir dəfə etiraf edirlər. Bu zaman böyük həyəcan və stress yaşayırlar. Əks tərəfin tez-tez bunu tələb etməsi həyəcan və stressi tez-tez yaşadır. Eyni zamanda kişiləri əsəbləşdirir. Qadınlar isə qulaqları ilə sevdikləri üçün tez-tez kompliment eşitməyə ehtiyac duyurlar. Ona görə də çalışın ki, sevdiyiniz şəxsin sizə olan davranışlarına diqqət yetirib qiymətləndirin. Əsas davranışdı.
Səhnəyə çıxmaq və nümayişkarlıq. Kişilərin xoşlamadığı bir xüsusiyyət də qızın rəfiqələrinin nümayiş obyektinə çevrilməsidir. Yəni qız öz nişanlısını rəfiqələrinə göstərərək lovğalıq əks elətdirir. Kişilər bu zaman özlərini muzey eksponatı kimi hiss edirlər. Nəzərə alın ki, kişilər özləri ovçudurlar. Antikvar əşya deyillər. Unutmayın ki, sizin yerinizdə rəfiqələrinizdən biri ola bilər. Yaxşı olar ki, sevgi həyatınız özünüzə aid olsun.
Nəzarət və komanda vermək hissi. “Bu gün biz ora gedəcəyik. Sabah isə filan yerə… yoxsa səndən inciyərəm”. Sizə elə gəlir ki, bu sözlərlə onu özünüzə bağlaya, onun həyatının bir hissəsi ola bilərsiz. Amma ola bilər ki, sizin bu davranışınız onu qıcıqlandırsın. Onun da öz şəxsi həyatı və arzuları var. Bəzən oğlanın hər davranışına nəzarət etmək, onu hər hərəkətinə görə tənqid etmək “belə yeri”, “o tərəfə baxma”, ”filan saatda, filan yerə gəl”, “maşını belə sür”, “yanıma gələndə belə geyinmə” kimi kəlimələrlə onu əsla yanınızda saxlaya bilməzsiniz. Eləcə də tez-tez zəng eləmək. “Salam əzizim, hardasan?”, ”Bayaq sənə zəng elədim niyə götürmədin?”, ”Mənim üçün darıxmırsan?” kimi kəlimələri mümkünsə zamanında və məqamında söyləyəsiz.
Qəsdən gəzinti yolunuzu bahalı dükanlardan salmaq. “Bax nə gözəl çantadır” (350 man), “oy nə gözəl ayıcıqdır” (90 man), “ay “İdeal”da bu gün endirim var, gedək də ora, heç nə almayacam, sadəcə baxacam”. Ola bilər ki, siz bir-biriniz üçün yaranmısız. Amma bu münasibətləri pul, ticarət, fayda çərçivəsinə salmısınız. Özünüzə sual verin, nə vaxt ona demisiz ki, “əzizim bax bu köynək sənə çox yaraşır”.
Sonda deyə bilərik ki, yaşadığınız sevgi münasibətləri zamanı öz zəif və güclü tərəflərinizi qəbul edib uyğunlaşmağınız vacibdir. Bir-birinizi məcburən dəyişməyə çalışmayın. Zamanla xasiyyətləriniz uyğunlaşacaq. Səbirsizlik göstərib münasibətlərinizin çatışmayan tərəflərini düzəltməyə çalışmayın.
Elnarə Baxışlı
XƏBƏR LENTİ
Buzadırmanma üzrə Azərbaycan çempionları müəyyənləşib
Alimlər 23 ölkəyə xəbərdarlıq etdi
BÜRCLƏR bizə nə vəd edir?-13 Avqust
Arıqlamaq istəyənlərə xüsusi ŞORBA RESEPTİ
Sadə gəlin buketləri
Google-da işə katerlə gedirlər
Güzgünü parladan xiyarın bilinməyən faydaları
Nikol Kidman etirafı ilə təəccübləndirdi-FOTO
HAVA necə olacaq? 17 MAY
Lahmacun (foto resept)
ÜST rəhbəri vaksinlərdən danışdı: “Təminatı yoxdur”
Fərqli saç aksessuarları
Yumurtalı dana əti(foto resept)
Qadınların kişiləri qorxudan 9 xüsusiyyəti
Tağlar kəndində aşkarlanan erməni sığınacağı - VİDEO
Qadınlara ərə getməyi yasaqlayan Qətər şirkəti
İncə bel üçün 9 dəqiqə sərf edin
Braziliya yığmasından rekord
Toyunda qara gəlinlik geyindi!
Yeni “Google” smartfonları təqdim olunacaq
Dünya mətbəxi - Fransa
Telefondan silinən şəkilləri yenidən necə qaytarmaq olar? - ŞƏKİLLİ İZAH
"Küçük" bilib aldı, böyüyüb ayı oldu-FOTO
Prezident təqaüdü alanların sayı açıqlandı
Azərbaycana qar yağıb
Məktəbli forması nə üçün lazımdır?
Yorğunluq yaradan vərdişlər
Ölkəmizdən niyə qaçırıq?
Qərb bölgəsində yerli pambıq sortlarının yığımına başlanılıb
Məşhur çütlüyün ekizləri oldu-FOTO
WhatsApp-dan möhtəşəm yenilik!
Darçınlı bisküvit (foto-resept)
Xəstəxana dəhlizində ölən kişi 13 gün sonra... - FOTO
Sənətə olan sevgisi oğruya baha başa gəldi - VİDEO
Bir gecəyə yolu oğurladılar
“Ağıllı” bilərzik sahibinin qayğısına qalacaq
Mövqelərimiz atəşə tutulub
Havada infarkt keçirən pilot 161 can qurtardı
Bakı Tikiş Evindən sosial şəbəkələrdə yayılmış xəbərlərə RƏSMİ MÜNASİBƏT
Bayramda neçə gün iş olmayacaq?
Toya maskada gəldilər (FOTO)
Xələf Xələfov: "Azərbaycanla Türkmənistan arasında Xəzər dənizində mübahisəli yatağın olması məsələsindən danışmaq yersizdir"
Azərbaycanda abortların sayı artıb
Cennifer də bahalı corablarını reklam etdi - FOTO
Nanəli ayran (foto-resept)
Kala (foto resept)
McDonald's-da yoxlamalar
Buraxılış imtahanlarının nəticələri nə vaxt açıqlanacaq?
Hava limanında müsadirə olunan əşyalardan yolka düzəltdilər – VİDEO
Hörük formaları
- ŞƏRHLƏR